Адбылося святкаванне Дня Маці (+ШМАТ ФОТА)

На іншых мовах: ru en pl
Адбылося святкаванне Дня Маці (+ШМАТ ФОТА)

У панядзелак, 14-га кастрычніка, мамы нашых дзетак сабраліся ў Цэнтры на супольнае святкаванне. Выхаванцы віншавалі матуляў з Днём Мамы.

Праграма распачалася малітвай і канферэнцыяй нашага душпастыра а. Аляксандра Шамрыцкага. Святар узгадаў прыклады мамаў якія былі абвешчаны святымі каталіцкім Касцёлам. Ён звярнуў увагу на тое, што “мамы павінны шукаць Божую волю, а не сваю ці сваіх дзяцей. Гэта ўніверсальная рэч, Божыя запаведзі паўтараюць і пацвярджаюць натуральныя каштоўнасці закладзеныя ў чалавеку”. “Жадаю вам, дарагія мамы, каб мудрасць была вашай сяброўкай па жыцці”, — скончыў а. Аляксандр.

Пасля канферэнцыі адбылася кароткая малітва. Кожны выхаванец прынес свечку да алтара як сімвал удзячнасці за сваю матулю. Усе разам праспявалі “Маці Хрыстова”, а слёзы мамаў сталі зусім нястрымнымі.

Другая частка святкавання складалася з праграмы дзяцей для сваіх мамаў. Былі вершы, спевы, танцы і пачастунак.

Фотаальбом падзеі можна паглядзець тут

Здымкі: Юрый Сідун