Прайшлі рэкалекцыі з біскупам Буткевічам

На іншых мовах: ru
Прайшлі рэкалекцыі з біскупам Буткевічам

З 19-га па 21-га сакавіка 2021 у Місіі трывалі духоўныя практыкаванні падчас якіх супрацоўнікі і бацькі рыхтаваліся да Пасхі. У рэкалекцыях прымалі ўдзел таксама ўсе ахвотныя.

Вернікі трывалі на малітве амаль увесь дзень у суботу і нядзелю — адарацыя Найсвяцейшага доўжылася з 13.00 да 17.00. У гэты час можна было паспавядацца.

Таксама падчас гэтых рэкалекцый адбыліся адмысловыя малітоўныя сустрэчы для супрацоўнікаў Місіі. Выхавацелі, педагогі, адміністрацыя і іншыя разважалі над сэнсам служэння. Спадарыня Юлія падзялілася з самаранінам, што “калі людзі моляцца разам гэта адлюстроўваецца на якасці іх стасункаў. Сумесная малітва — ключ да ўзаемаразумення, прыняцця бліжняга. Яна робіць супрацу больш глыбокай і мэтанакіраванай”. Таксама яна дадала, што дзеці заўсёды адчуваюць унутраны стан выхавацеляў, іх адносіны паміж сабой. “Еднасць усіх супрацоўнікаў гэта моц”, — дадала Юлія.

“Рэкалекцыі дапамаглі мне адчуць духоўную еднасць з прысутнымі і зразумець, што кожны мае сваю місію, сваё пакліканне”, — распавяла спадарыня Наста, — “гэта была добрая духоўная дапамога падчас Вялікага Посту”.

Хрысціянскі Сацыяльны Цэнтр выказвае шчырую падзяку біскупу Алегу за згоду правесці духоўныя практыкаванні.

Фота: Юрый Сідун
Альбом цалкам можна паглядзець тут