Працэсія ва ўспамін усіх Памерлых

2 лістапада ў Хрысціянскім Сацыяльным Цэнтры адбыліся Святая Імша​ і працэсія ва ўспамін усіх Памерлых вернікаў.​ Працэсія традыцыйна складалася з пяці стацый. На кожнай з іх чыталі малітву за памерлых: І стацыя – за духавенства, ІІ стацыя – за бацькоў і продкаў, ІІІ стацыя – за сваякоў і дабрадзеяў, IV стацыя – за ахвяраў войнаў і загінуўшых у катастрофах, V стацыя – за ўсіх памерлых і за душы, якія церпяць у чыстцы.​ Імёны памерлых блізкіх і сяброў прысутных​ зачытваліся падчас набажэнства.​

Нагадваем, што напрацягу месяца лістапада, перад кожнай нядзельнай Імшой (а 11:45), будуць прачытаныя імёны памерлых, за якіх будзем маліцца разам. Імёны сваіх блізкіх памерлых можна прыносіць у закрыстыю.