Нашы Навіны

Сястра Часлава прымае ўдзел у канферэнцыі ў Харватыі
Сястра Часлава прымае ўдзел у канферэнцыі ў Харватыі

19 верасня 2019

Другая еўрапейская канферэнцыя “Фармаванне і прафілактыка – ўлада як паслуга” адбываецца ў Заграбе. У склад беларускай дэлегацыі ўваходзіць таксама наша дырэктарка.

Кіраўнікі розных рэлігійных арганізацый з шэрагу еўрапейскіх краін сабраліся сёлета ў Харватыі каб паразважаць і абмеркаваць служэнне ў Каталіцкім Касцёле як спосаб ажыццяўлення ўлады. У гэтым годзе спатканне праходзіць на базе Каталіцкага Універсітэта Харватыі.

Перад удзельнікамі выступаюць багасловы і навукоўцы са Славакіі, Харватыі і Італіі. Таксама шмат часу адводзіцца на абмен вопытам і абмеркаванне вузкіх праблем у маленькіх працоўных групах.

Сёлетняе спатканне з’яўляецца працягам леташняй канферэнцыі ў Фларэнцыі. У мінулым годзе прадстаўнікі еўрапейскіх каталіцкіх арганізацый разважалі над крыніцамі і спосабамі перадухілення злоўжывання службовымі паўнамоцтвамі

Далей

Цэнтр наведала дэлегацыя з Італіі
Цэнтр наведала дэлегацыя з Італіі

18 верасня 2019

У рамах візіту дэлегацыі “Карытас” Архідыяцэзіі Кальяры (Сардынія) у Беларусь, госці пазнаёміліся з дзейнасцю Сацыяльнага Цэнтра.

Сястра Часлава падзялілася з самаранінам, што такія візіты вельмі важныя для Місіі. “Людзі прыязджаюць, бачаць нашу дзейнасць, мы распавядаем пра планы і мары. Мы становімся знаёмымі. Пазней, у будучыні, калі мы адважымся прасіць дапамогі на нейкі праект, напрыклад, у дырэктара “Карытас” Кальяры – нас будуць ведаць. Па-гэтаму сёння важна быць адкрытымі на ўсіх”, – сказала дырэктарка.

Італьянская дэлегацыя ўжо спаткалася з намеснікам старшыні Сінадальнага аддзела Праваслаўнай Царквы Аляксандрам Шымбалёвым, з Упаўнаважаным па справах рэлігій і нацыянальнасцей Леанідам Гуляка, з мітрапалітам Тадэвушам Кандрусевічам. Таксама госці наведваюць шэраг арганізацый на базе якіх ажыццяўляюцца сумесныя праекты.

Далей

“Займацца разам цікавымі і карыснымі справамі”. Інтэрв’ю з кіраўніком гуртка тэхнічнай творчасці Юрыем Паніным
“Займацца разам цікавымі і карыснымі справамі”. Інтэрв’ю з кіраўніком гуртка тэхнічнай творчасці Юрыем Паніным

8 жніўня 2019

З верасня ў нашым Цэнтры пачынаюцца заняткі па тэхнічнай творчасці. Упершыню ў гісторыі. Мы вырашылі пазнаёміцца з нашым выкладчыкам бліжэй і задаць некалькі пытанняў. Пра захапленне цягнікамі, мадэляваннем і пры чым тут выхаванне дзяцей і моладзі ў нашай размове.

 — Юрый, радуемся што вы сталі нашым выкладчыкам. Распавядзіце крышачку пра сябе.

Я нарадзіўся ў Бабруйску. Па першай адукацыі я інжынер-механік, скончыў БНТУ. Па-другой адукацыі я псіхолаг, скончыў БДУ. Так склалася, што ў апошні час мае цікавасці перамясціліся ў накірунку псіхічнага здароў’я. Я працую з падлеткамі і шукаю спосабы выпраўляць іх псіхічнае здароў’е адразу у падлеткавым узросце.

 — Ужо шмат гадоў вы актыўна займаецеся мадэляваннем цягнікоў. Адкуль узялася гэта пасія?

Прыкладна 15 гадоў свайго жыцця я ездзіў з Мінска у Бабруйск цягніком. Таму я люблю чыгунку з дзяцінства. Потым стаў цікавіцца як гэта сістэма працуе, чытаць кніжкі пра чыгунку. 

У маім дзяцінстве у крамах прадаваліся амаль што мадэльныя наборы чыгункі вытворчасці Усходняй Германіі. Я спачатку проста ў гэта гуляўся разам з маім старэйшым братам. Пазней я сам пачаў рабіць для гэтай “чыгункі” будынкі. Памятаю збіраў пешаходны мост і нешта яшчэ. Пачало атрымлівацца..  

У 2000 годзе, калі я даведаўся, што у Мінску праходзяць выставы чыгуначнага мадэлізма, я сабраў свой першы  модуль (частку таго вялізнага макета) выкарыстоўваючы рэйкі з таго усходнегерманскага набора і прыняў першы раз удзел у выставе.

 — Чым вы ганарыцеся ў сваёй тэхнічнай творчасці найбольш?

У тэхнічнай творчасці я ганаруся найболей якраз узгаданым вышэй макетам. Адначасова маім вялікім гонарам з’яўляецца стаенка да свята Божага Наражэння якая знаходзіцца у дольным касцёле на Залатой Горцы. У стварэнні гэтай стаенкі прыняло удзел больш за 10 чалавек на чале з ксяндзом Юрыем Санько. Мне прыйшлося вучыць іх у сціслыя тэрміны. Я потым спраўдзіў – ад моманту, калі я набываў дошкі для падмакетніка, да заканчэння стаенкі прайшло крыху болей за тры месяцы.

У педагагічнай дзейнасці я ганаруся тым, што за час працы на Дзіцячай чыгунцы ў Мінску мне ўдалося распрацаваць сістэму псіхалагічнай дапамогі падлеткам у выглядзе спецыяльна арганізаванай працоўнай дзейнасці. Паводле майго вопыту, найбольш надзейны  спосаб дастукацца да дзяцей малодшага школьнага узросту і падлеткаў — займацца разам з імі цікавымі і карыснымі справамі.

 — Мадэляванне атасаямляецца з працай у адзіноце. Чалавек штосьці майструе, знаходзіцца сам

Далей

Запрашаем у мастацкія гурткі
Запрашаем у мастацкія гурткі

26 ліпеня 2019

Заняткі праводзіць Ларыса Царова — выкладчык мастацтва ў гімназіі-коледжы г. Мінска. Спадарыня Ларыса займаецца малюнкам і жывапісам ужо больш за 20 гадоў.

Падчас заняткаў у групах, дзеці і падлеткі будуць вывучаць:

сусветныя шэдэўры мастацтва
гісторыю сусветнага і беларускага мастацтва
развіваць эстэтычнае светаўспрыманне
маляваць з натуры і не толькі

Расклад заняткаў:
— панядзелак — 16.00-16.50 — Творчае маляванне (дзеці 4-5 гадоў)
— панядзелак — 17.00-18.00 — Творчае маляванне (дзеці 6-7 гадоў)
— панядзелак — 18.15-19.00 — Гісторыя мастацтваў + творчае маляванне (дзеці 8-11 гадоў)
— серада — 17.00-18.00 — Гісторыя мастацтваў + творчае маляванне (дзеці 11-13 гадоў)
— серада — 18.05-19.00 — Гісторыя мастацтваў + творчае маляванне (дзеці 8-11 гадоў)
— серада — 19.00-20.00 — Гісторыя мастацтваў (моладзь і дарослыя)
— чацвер — 16.00-17.00 — Маляванне з натуры (дзеці 11-13 гадоў)

Заняткі пачнуцца з верасня. Кантактныя дадзеныя для запісу:

+375 17 343-99-17 – Рэцэпцыя
samaranin18@gmail.com

Увага! Дзеці які спазнаюць дашкольную і пачатковую школьную праграмы ў Сацыяльным Цэнтры будуць мець заняткі са спадарыняй Ларысай у рамах сваіх праграм.

Далей

Запрашаем у гурток тэхнічнай творчасці
Запрашаем у гурток тэхнічнай творчасці

19 ліпеня 2019

На занятках дзеці будуць ствараць мадэлі, навучацца працаваць з цяслярнымі інструментамі і электрыкай.

Падчас заняткаў у групе, дзеці і падлеткі будуць вывучаць:

– асновы мадэлявання транспартных сродкаў
– асновы электратэхнікі
– асновы цяслярнай справы
– асновы архітэктурнага мадэляванна і шмат іншага

Гурток вядзе Юрый Панін — інжынер, педагог і псіхолаг. Кіраўнік гуртка займаецца мадэляваннем ужо на працягу больш 20-ці гадоў. Юрый з’яўляецца аўтарам рухомай батлейкі ў касцёле на Залатой Горцы, выставы чыгуначных мадэлей на дзіцячай чыгунцы ў Мінску і шэрагу іншых вядомых аб’ектаў.

Расклад заняткаў:

– аўторак 18.15 (дзеці 6-10 гадоў)
– чацвер 18.15 (падлеткі 10-14 гадоў)

Заняткі пачнуцца з верасня.
Кантактныя дадзеныя для запісу:

+375 17 343-99-17 – Рэцэпцыя
samaranin18@gmail.com

Далей

Супрацоўнікі Місіі крочаць у пілігрымцы Мінск — Будслаў
Супрацоўнікі Місіі крочаць у пілігрымцы Мінск — Будслаў

5 ліпеня 2019

Група выхавацеляў разам з с. Чаславай далучылася да мінскіх паломнікаў.

“Прывітанне для ўсіх нашых дзетак якія прыходзяць у Місію Добрага Самараніна, для іх бацькоў, блізкіх, родных, знаемых і ўсіх супрацоўнікаў з пілігрымкі Мінск  — Будслаў”,  — падзялілася з намі сястра Часлава, – “з намі крочаць спадарыня Ружа, спадарыня Аня, Мар’ян і Францішак са сваімі мамамі. Мы памятаем пра вас усіх і нясем вас усіх да Маці Божай. Будзем прасіць у яе ўсе неабходныя ласкі”.

Далей