Адбылася творчая сустрэча з пісьменніцай і мастачкай Надзяй Букай
Маленькія чытачы пазнаёміліся з дзяўчынкай Басяй і яе незвычайным сябрам Пігласам.
У кнізе «Бася і Піглас» існуе ці то птушачка, ці то вочка з крыльцамі, што дорыць натхненне і аберагае чалавека ад дрэнных учынкаў. Ён размаўляе бурбалкамі і харчуецца драўлянымі прышчэпкамі. Але гэта не самае дзіўнае. Акрамя Басі, Пігласа ніхто не бачыць.
У кнізе “Бася і яе чароўны свет”мастачкай і пісьменніцай створаны новыя героі — Гласпіі, якія сілкуюцца негатыўнымі эмоцыямі і пачуццямі, Бубласы, што могуць вылечыць ад любой хваробы, Пува, якая харчуецца гузікамі і абараняе чалавека ад начных жахаў, Атыкека — конь з крыламі страказы… Не хвалюйцеся, спецыяльны тлумачальны слоўнік на апошняй старонцы не дасць вам заблытацца ў персанажах.
Дзеткі разам з Надзяй і яе кніжнымі героямі вучацца дабрыні і спачуванню, а таксама верыць у цуды і ствараць свае ўласныя чароўныя сусветы.
Усе фоты можна паглядзець тут