Адбыліся адвэнтавыя рэкалекцыі з ксяндзом Андрэем Лысым SChr

17–18 снежня ў Хрысціянскім Сацыяльным Цэнтры адбыліся рэкалекцыі з удзелам ксяндза Андрэя Лысага SChr.

Адвэнт – асаблівы час, калі кожны з нас рыхтуецца да нараджэння нашага Збаўцы Езуса Хрыста. У паўсядзённай мітусні рэдка ёсць час, каб падумаць пра штосьці глыбокае і важнае. Адвэнтавыя рэкалекцыі дапамагаюць засяродзіцца на аднаўленні свайго жыцця і адносінаў з бліжнімі. Час рэкалекцый – час паглыблення ўнутраннага кантакту з Богам.

Місія Добрага Самараніна выказвае шчырую падзяку ксяндзу Андрэю за духоўныя практыкаванні, канферэнцыі і служэнне. Словы навукі глыбока закраналі прысутных, а яскравыя прыклады дапамагалі больш вобразна перадаць сутнасць. Спадзяемся, што гэтыя дні прыгатавання прынясуць свой плён духоўнаму ўзрастанню вернікаў, а час Божага нараджэння будзе спакойным і радасным.