Адбыліся заняткі “Узнікненне і развіццё пісьма”
У бібліятэцы Хрысціянскага сацыяльнага цэнтра адбыліся заняткі пра этапы ўзнікнення і развіцця пісьма. Дзеткі змаглі самі апрабаваць розныя старажытныя спосабы фіксацыі і перадачы інфармацыі. Яны разгадвалі прадметныя пасланні, вузельчыкавае пісьмо (кіпу) і піктаграмы.
Удзельнікі далучыліся да вывучэння пісьменства старажытных егіпцян і рабілі дэшыфроўку пасланняў. Дзеці атрымалі таксама ўяўленне пра асаблівасці мастацкага афармлення рукапіснай кнігі. Асаблівая ўвага была нададзена буквіцы як элементу афармлення тэксту. Дзеці самі малявалі буквіцу і такім чынам станавіліся актыўнымі прадаўжальнікамі рукапіснай традыцыі.
Калі ў вас ёсць жаданне сям’ёй або з сябрамі наведаць заняткі ў бібліятэцы, паведамляйце. Мы з радасцю пазаймаемся або пачытаем цікавыя кнігі разам.
Кантакты:
+375 17 343-99-17 (Рэцэпцыя)
+375 (44) 770 09 01
samaranin16@gmail.com
Усе фоты з заняткаў можна паглядзець у нашым альбоме