Далучайцеся! У ліпені працягваецца летнік “Вакацыі з Богам!”

Запрашаем дзетак у ліпені ў наш цудоўны летнік “Вакацыі з Богам”!

Змены: 04–15.07. і 18–29.07. па будніх днях.
Працяг змены​ – 10 дзён
Час прабывання:​ 08.00–18.00
Узрост дзетак:​ 7–15 гадоў
Месца: Хрысціянскі Сацыяльны Цэнтр

Кожная змена асаблівая і непаўторная!

Дні 4–15 ліпеня пройдуць пад дэвізам​ “Здабываем скарб любові”.
Праграма змены будзе ўключаць:

1. Урокі Божага слова “Вывучаем Біблію разам”.
2. Заняткі на развіццё эмацыйнага інтэлекту.
   • У гульнёвай форме дзеці будуць развіваць:
     -уяўленні пра сябе, свае эмоцыі і пачуцці;
     -уменні кіравання сваімі эмоцыямі;
     -упэўненасць ў сабе;
     -здольнась разумець іншых і ладзіць адносіны.
3.  Урокі самаспазнання праз мастацтва і творчасць, заснаваныя на сувязі музыкі, рухаў, працы з голасам.
4. Экскурсіі, сустрэчы з мастакамі і пісьменнікамі.
5. Вынікам дзейнасці дзяцей і педагогаў стане прэзентацыя супольнага творчага праекта.

Дзетак чакае​ творчы​ захапляльны адпачынак​!

Пра расклад усіх змен летніка чытайце тут.

Першая змена летніка ў чэрвені была адметная біблейскімі сустрэчамі-разважаннямі, спевамі, майстар-класамі па акторскім майстэрстве, сцэнічнай мове, творчай сустрэчай з мастачкай і пісьменніцай Надзяй Букай, вясёлым майстар-класам з мастачкай Марыяй Каралёвай, візітам у Нацыянальны мастацкі музей, праглядам спектакля па кнізе “Птушка ўва мне ляціць, куды захоча” і ўласнай пастаноўкай “Прыгоды святога Язэпа ў Егіпце”.