Моладзь Місіі паўдзельнічала ў Парафіядзе ў Івянцы

З 27 па 30 ліпеня ў Івянцы прайшла Х Парафіяда дзяцей і моладзі Мінска-Магілёўскай архідыяцэзіі. Гэтае свята веры, культуры і спорту стала асаблівым для супольнасці Місіі Добрага Самараніна, бо нашая моладзь упершыню прыняла ўдзел у гэтым мерапрыемстве.

Дэбют аказаўся неверагодна паспяховым! Наша каманда з вялікім запалам змагалася ў розных катэгорыях, дэманструючы таленты як на стадыёне, так і на творчых пляцоўках. Вынікам гэтых шчырых старанняў сталі шматлікія высокія ўзнагароды.

Прадстаўнікі нашай Місіі заваявалі першыя месцы ў наступных намінацыях і дысцыплінах: міні-футбол, бег на 100 м, нстольны тэніс, малюнак, конкурс біблійных ведаў і конкурс свецкай песні. 

Дзякуючы лідарству ў большасці катэгорый, у агульнакамандным заліку каманда Місіі  заняла ганаровае першае месца!

Шчыра віншуем нашых таленавітых пераможцаў!