Прайшлі велікапосныя рэкалекцыі з арцыбіскупам Кандрусевічам
18–20 сакавіка ў Хрысціянскім Сацыяльным Цэнтры праходзілі велікапосныя рэкалекцыі з арцыбіскупам Тадэвушам Кандрусевічам.
На працягу трох дзён падчас навукі святар разважаў пра веру і грэх, а таксама дзяліўся асабістым сведчаннем са свайго жыцця. Адбыліся канферэнцыя на тэму «Адзінства, удзел і місія — шлях да сінадальнай вясны касцёла», а таксама цікавае і змястоўнае спатканне арцыбіскупа з усімі ўдзельнікамі рэкалекцый, якія задавалі шмат пытанняў.
Адбываўся няспынны Ружанец у інтэнцыі міру. Ружанец мае надзвычайную моц, і сёння гэтая малітва асабліва важная і можа змяніць у лепшы бок гісторыю краін і лёс кожнага чалавека.
Арцыбіскуп Тадэвуш Кандрусевіч пажадаў парафіянам, каб пасля гэтых духоўных практыкаванняў яны адчулі сябе іншымі, перамененымі, напоўненымі любоўю і выказаў спадзяванні, што рэкалекцыі садзейнічалі таму, каб Езус знайшоў шлях да кожнага з іх удзельнікаў.
Дзякуем арцыбіскупу Тадэвушу за рэкалекцыі і служэнне.
Фота ў альбоме