Рараты​ дапамагаюць нам падрыхтавацца да Божага Нараджэння

30 лістапада,​ у​ свята Святога Андрэя Апостала, арцыбіскуп Тадэвуш​ Кандрусевіч​ узначаліў цэлебрацыю Раратняй святой Імшы ў Хрысціянскім Сацыяльным Цэнтры.

Распачаўся Адвэнт, таму традыцыйна ў нас​ адбываюцца Рараты – адмысловыя святыя Імшы ў гонар Найсвяцейшай Панны Марыі.​ ​Распачынаючы святую Імшу ў паўзмроку, з запаленымі свечкамі ў руках, мы просім, каб Марыя дапамагла нам жыць паводле свайго прыкладу і добра падрыхтавацца да святаў Божага Нараджэння.​

У нашай капліцы створаны адвэнтавыя дэкарацыі, якія маюць адмысловую сімволіку.​ Чатыры свечкі – чатыры тыдні чакання Божага Нараджэння. Чаканне​ –​ у гэтым слове змяшчаецца самы глыбокі сэнс Адвэнту.​ Спачатку запальваецца толькі адна з чатырох свечак у калядным вянку. Але з​ кожным тыднем святла становіцца болей. Вялікая белая раратняя свечка з’яўляецца сімвалам Марыі​ як ранішняй зоркі збаўлення.​ Пустыя яселькі падрыхтаваны да нараджэння маленькага Езуса.​

У перыяд Адвэнту варта пастарацца браць удзел у Раратніх Імшах.​ Гэта дапаможа напоўніць перыяд Адвэнту духам чування і малітвы, каб праз заступніцтва Панны Марыі​ годна падрыхтавацца да сустрэчы Збаўцы ў святкаванні Божага Нараджэння.

У нашай Місіі Раратнія Імшы на працягу Адвэнту​ адбываюцца два разы на тыдзень:

• • • панядзелак 8:30
    • серада​ 17:00.

Фота святой Імшы глядзіце ў альбоме “Рараты 30.11.2022“.