Сацыяльны Цэнтр распачаў новы навучальны год

15-га верасня бацькі, дзеці і супрацоўнікі Місіі сабраліся на супольную малітву і вечарыну каб адзначыць пачатак чарговага навучальнага года.

Сястра Часлава прадставіла бацькам выхавацеляў і настаўнікаў якія сёлета далучыліся да каманды Самараніна. Дырэктарка зазначыла, што яна вельмі радая бачыць усіх пасля доўгага перапынку, выкліканага эпідэміялагічнай абстаноўкай у Беларусі.

Айцец Аляксандр благаславіў усіх прысутных і пажадаў усіх неабходных ласкаў Духа Святога ўсім супрацоўнікам, бацькам і дзецям з Місіі. Пасля акраплення святой вадой і супольнай малітвы, усе прысутныя распачалі вечарыну.