Спектакль “Ад Рыма да Міра” — для самых маленькіх
Самыя маленькія выхаванцы Хрысціянскага Сацыяльнага Цэнтра паглядзелі батлеечны спектакль “Ад Рыма да Міра”. Дзеткі назіралі за цікавай гісторыяй, калі італьянскі архітэктар Джавані Марыя Бернардоні прыехаў па запрашэнні князя Мікалая Кшыштафа Радзівіла Сіроткі ў Нясвіж і пасябраваў з мясцовым кандытарам. Аказваецца, творы архітэктуры могуць быць не толькі з цэглы і каменняў, а таксама з цеста ў выглядзе торта!
Глядзець спектакль было вельмі цікава яшчэ і таму, што акторкамі былі мамы выхаванцаў — Ганна Ракіцкая і Тамара Мінюка. Шчыра дзякуем усім удзельнікам за творчасць!
Усе фоты ў альбоме тут