Спектакль “Мама Му чытае”
На іншых мовах:
en
Ці вы бачылі, каб карова хадзіла ў бібліятэку і чытала, а крумкач праводзіў дасдедаванне? У нашым летніку адбылася тэатральная пастаноўка па кнізе “Мама Му чытае”!
Дапытлівую карову Маму Му і яе сябра Крумкача прыдумала шведская пісьменніца Юя Вісландэр разам з мужам Томасам у 70-х гадах ХХ ст. Яны з’явіліся як героі дзіцячых радыёспектакляў і песень. Ідэя пра стварэнне ілюстраваных кніг ўзнікла зусім выпадкова ў час знаёмства з мастаком Свэна Нурдквіста. Юя і Томас убачылі яго накіды Мамы Му і зразумелі, што яны дакладна перадаюць створаныя імі вобразы. Кнігі сталі папулярнымі і былі перакладзены на розныя мовы, у тым ліку беларускую і рускую. Кніга “Мама Му чытае” пра дзіўную, кемлівую і жыццярадасную карову вельмі падабаецца дзеткам. Як жа радасна было пабачыць спектакль з любімымі персанажамі! Ён натхніў юных тэатралаў на ўласную творчасць і крэатыўныя ідэі. Пасля пастаноўкі дзеткі прыдумлялі свае гісторыі і адлюстроўвалі іх у міні-кніжках. Кожны меў магчымасць прэзентаваць свой кніжны праект і падзяліцца сваімі творчымі задумамі з сябрамі.
