Святкуем Сусветны дзень дзіцяці!
1 чэрвеня ў многіх краінах свету адзначаецца Сусветны дзень дзіцяці, а для дзетак арганізуюцца разнастайныя забаўляльныя і культурніцкія мерапрыемствы. Місія Добрага Самараніна далучаецца да гэтай добрай традыцыі.
Касцёл заўсёды звяртае ўвагу, што дзеткі — самыя маленькія і каштоўныя стварэнні ў нашым жыцці. Гэта будучыня нашай краіны і Касцёла. У Хрысціянскім Сацыяльным Цэнтры дзеткам дапамагаюць спазнаць Бога, вучаць дабрыні і міласэрнасці, спрыяюць іх свядомаму ўдзелу ў жыцці супольнасці Касцёла.
У Сусветны дзень дзіцяці святочныя ўсмешкі на тварыках нашых выхаванцаў запальвала спадарыня Таццяна Крыцкая, якая паказала цікавы, арыгінальны і інтэрактыўны спектакль па казцы “Палахлівая мышка” Алана Макдональда. Казка была пададзена ў фармаце вялікай кнігі, якая падчас чытання гарталася, а героі і падзеі ажывалі. Казка Макдональда — простая, мудрая і вясёлая гісторыя. Дзетак чакалі таксама бурбалкі і гульні!
Фота з мерапрыемства вы можаце паглядзець у альбоме.