Тэатралізаваныя​ чытанні ў летніку

Тэатралізаваныя​ чытанні ў летніку

На іншых мовах: en
Тэатралізаваныя​ чытанні ў летніку

Тэатралізаваныя гучныя чытанні адбыліся ў бібліятэцы Місіі. Дзеткі паслухалі кнігу “Фанечка. Мандарынавая гісторыя” Аксаны Аракчэевай, намалявалі герояў кнігі і стварылі тэатралізаваную пастаноўку. Атрымаўся гірляндавы спектакль па кнізе, дзе кожны стаў актыўным удзельнікам. Супольнае​ чытанне​ і​ гутарка​ пра​ прачытанае​ ў​ пачатковы​ перыяд​ станаўлення​ чытача​ дапамагаюць​ дзеткам убачыць мастацкі​ твор​ не толькі​ як​ крыніцу​ інфармацыі,​ але і​ як​ крыніцу​ асалоды і радасці.

Юныя чытачы любяць бавіць час у бібліятэцы Місіі. Пастаянны кантакт з кнігай актыўна фарміруе чытацкі навык і творчыя здольнасці. Гучныя чытанні выкарыстоўваюцца для заахвочвання чытання, пашырэння ведаў класічных і сучасных твораў. Тэатралізаваныя чытанні не патрабуюць касцюмаў, дэкарацый і запамінання тэкстаў. Імправізаваная пастаноўка ажыццяўлялася без рэпетыцый і атрымалася дзякуючы ініцыятыве і зацікаўленасці саміх дзетак.

Усе фота з тэатралізаваных​ чытанняў у летніку глядзіце ў фотаальбоме.