Урачыстасць Аб’яўлення Пана

Запрашаем 6 студзеня а 12:00 на Эўхарыстыю ва ўрачыстасць Аб’яўлення Пана.

Падчас св. Імшы адбудзецца асвячэнне крэйды, якой згодна з традыцыяй вернікі пазначаюць дзверы свайго жылля.

Надпіс C+M+B+2025 на дзвярах мае дзве інтэтпрэтацыі.

Літары з’яўляюцца ініцыяламі трох мудрацоў, якія прыбылі ў Бэтлеем, каб пакланіцца нованароджанаму Хрысту (Каспар, Мельхіёр і Бальтазар – Caspar, Melchior, Baltasar). Другая нагадвае скарочаны запіс лацінскага пажадання: Christus mansionem benedicat — “Няхай Хрыстус благаславіць гэты дом”. Праз пазначэнне дзвярэй свайго жылля мы публічна вызначаем сваю веру, указваючы на тое, што ў гэтым месцы жывуць вызнаўцы Хрыста.

Адрас: г. Мінск, Хрысціянскі сацыяльны цэнтр, вул. Серафімовіча, 19.