Урачыстасць святой Уршулі

29 мая ў Хрысціянскім Сацыяльным Цэнты адзначылі ўрачыстасць у гонар​ святой Уршулі Ледухоўскай.​

Да гэтага дня ўдзельнікі рыхтаваліся духоўна і малітоўна. Дзевяць дзён трывала навэнна да святой Уршулі Ледухоўскай, апякункі нашай Місіі.

Свята распачалося святой Імшой​, а ўвечары​ адбылася музычная​ праграма.​ Сваімі талентамі праз спевы,​ музыку і танцы​ падзяліліся выхаванцы Місіі.​

Сястра Часлава Навіцкая павіншавала дзетак з заканчэннем​ катэхетычнага​ года.​ Катэхізацыя – гэта выхаванне дзяцей у​ веры і духу хрысціянскага веравучэння. Навука рэлігіі грунтуецца​ на Святым Пісанні, літургіі, Вучэнні Касцёла і павінна адбывацца сістэматычна. Яна навучае таму, як быць чалавекам сумленным, як прабачаць, як дапамагаць іншым, як любіць Бога і бліжняга.

У капліцы Хрысціянскага Сацыяльнага Цэнтра ўсіх прысутных​ прывітаў арцыбіскуп Тадэвуш Кандрусевіч, які разважаў пра плённае і злучанае з Хрыстом​ жыццё​ святой Уршулі Ледухоўскай. Арцыбіскуп падкрэсліў: “Святая Уршуля Ледухоўская добра разумела, што дзеці і моладзь – гэта будучыня Касцёла і свету, таму прысвяціла сваё жыццё іх​ выхаванню.”

Святкаванне завершылася выступленнем​ фальклорнага ансамбля “Вербіца”, які​ ​ выканаў духоўныя і народныя спевы. Артыстычнае выступленне ансамбля​ дало магчымасць адпачыць у радасці і​ святочным настроі.

Для ўдзельнікаў свята былі падрыхтаваны дзіцячыя​ гульнёвыя пляцоўкі і пачастунак.

Больш за 200 яркіх і эмацыйна насычаных фотаздымкаў глядзіце ў фотаальбоме “Урачыстасць святой Уршулі 29.05.2023”.