Віншуем татаў у дзень святога Юзафа!

20 сакавіка ў Дабрачыннай​ Місіі Добрага Самараніна адбылося свята ў гонар святога Юзафа.​​ Святочная праграма пачалася ў капліцы​ з канферэнцыі.

Кс. Аляксандр Шамрыцкі МІС звярнуў увагу на прыклад св.Юзафа, які з’яўляецца​ важным для сучаснага​ бацькі. Яго бацькоўства выразілася ў тым, што ён сваё жыццё паставіў на службу сям’і – Езусу і Марыі. Бацькоўства – гэта найважнейшая справа ў жыцці мужчыны.​ Пазітыўны прыклад бацькоўства дае св. Юзаф: памяркоўны, працавіты, клапатлівы,​ далікатны, любячы і​ пабожны.

Дзеткі падрыхтавалі для татаў​ свае віншаванні – спевы, вершы, тэатральныя пастаноўкі​ і​ танцы. Выхаванцы падарылі татам паштоўкі.

Глядзіце фотаздымкі ў альбоме “Урачыстасць святога Юзафа-2023”.