Восьмы дзень навэнны да святой Уршулі Ледухоўскай

Ці можа нейкая праца прынізіць нас? Якая праца лічыцца ўзнёслай? Пра што трэба памятаць, калі працуеш?

ДУМКА святой Уршулі:

Перад Богам няма нізкай або ўзнёслай працы, як гэта ёсць у чалавечым разуменні. Узнёслаю з’яўляецца кожная праца, выкананая для Бога, у чыстай інтэнцыі, з любові да Яго.

ЗАДАННЕ:​

Памятай, калі робіш любую працу: важным з’ яўляецца не тое, што ты робіш, а як ты робіш. Самаю ўзнёслаю будзе тая праца, якая будзе выкананая з найвялікшай любоўю!

НАВЭННА да святой Уршулі Ледухоўскай:

О Езу, Твайму Сэрцу даручаю…(назваць інтэнцыю)

Узглянь і ўчыні тое, што падкажа Табе Тваё Сэрца. Дазволь Твайму Сэрцу дзейнічаць. О Езу, я разлічваю на Цябе, давяраю Табе, цалкам Табе аддаюся. У Табе я ўпэўнены. О Сэрца, поўнае любові, давяраю Табе без рэшты, бо сам з сябе я схільны да ўсялякага зла, але ва ўсім спадзяюся на Тваю дабрыню. Амэн.

Дзеля заслугаў нашага Пана Езуса Хрыста прымі, о Божа, малітвы, якія ўзносяцца да Цябе праз заступніцтва святой Уршулі Ледухоўскай, вернай паслядоўніцы дабрадзенасцяў Найсвяцейшага Сэрца Твайго Сына, і ўдзялі нам ласкі, якой з даверам просім. Амэн.

Найсвяцейшае Сэрца Езуса, змілуся над намі!

Святая Уршуля, маліся за нас!