Вясёлы майстар-клас з мастачкай Марыяй Каралёвай
21 чэрвеня ў летніку Місіі адбыўся вясёлы і яркі майстар-клас па маляванні любімых кніжных герояў шведскай дзіцячай літаратуры. Мастачка Марыя Каралёва вучыла дзетак маляваць Піпі, Фіндуса і Карлсана.
Спачатку юныя мастакі разглядалі кнігі з любімымі персанажамі, слухалі кансультацыі ад мастачкі, а пасля прыняліся за справу. Якія ж цудоўныя вынікі атрымаліся!
Кнігі і цацкі, якія дзеткі мелі магчымасць выкарыстоўваць на занятках, прадстаўлены бібліятэкай Пасольства Швецыі і Шведскага інстытута.
Усе фота з майстар-класа глядзіце ў альбоме.