Запрашаем на творчую сустрэчу “Аксана Аракчэева збірае сяброў!”
У Хрысціянскім Сацыяльным Цэнтры адбудзецца творчая сустрэча з мастачкай Аксанай Аракчэевай!
Топ-5 цікавых фактаў пра Аксану Аракчэеву:
1. Не ведае, што такое сумны настрой. Яна сама і яе творы напоўнены сонцам і радасцю.
2. Аформіла больш за 60 кніг, пазнавальных і любімых дзеткамі: “Прыгоды мышкі Пік-Пік” Людмілы Рублеўскай,” “Брык і Шуся” Таццяны Сівец, ”Мяне завуць Лахнеска” Алены Масла, “Сад з матылькамі” Тамары Бунта, “Закаханы трэцякласнік” Уладзіміра Ліпскага, “Таямніцы нашага садка” Васіля Дранько-Майсюка і інш.
3. Напісала больш за сто жывапісных партрэтаў (Францыска Скарыны, Уладзіміра Караткевіча, Янкі Купалы, Тадэвуша Кандрусевіча і інш.)
4. Стварыла кнігі пра свайго любімага сабачку, дзе выступае мастачкай і пісьменніцай адначасова: “Фанечка” (2020) і “Фанечка: мандарынавая гісторыя” (2021).
5. З’яўляецца дачкой і паслядоўніцай Барыса Аракчэева, аднаго з заснавальнікаў сучаснай беларускай школы жывапісу, заслужанага дзеяча мастацтваў. Спрыяла з’яўленню кнігі ўспамінаў “Барыс Аракчэеў. Бэз малюецца на шчасце”, прысвечанай жыццю і творчасці мастака.
Топ-5 важных прычын, каб прыйсці на сустрэчу:
1. Даведацца пра творчасць мастачкі і задаць самыя смелыя пытанні пра жыццё і мастацтва.
2. Паглядзець арыгінальныя малюнкі, якія сталі кніжнымі ілюстрацыямі.
3. Займець кнігу (за ахвяраванне) і атрымаць аўтограф на памяць або нават малюнак.
4. Пагрузіцца ў цудоўны свет фарбаў і зарадзіцца добрым настроем.
5. Папіць гарбату ў творчай кампаніі.
Калі?
15 траўня (нядзеля), 13.00
Дзе?
Хрысціянскі Сацыяльны Цэнтр, вул. Серафімовіча, 19 (метро “Пралетарская”)
Уваход вольны.
Будзем удзячныя за ахвяраванні на дзейнасць Хрысціянскага Сацыяльнага Цэнтра.
Кантакты па тэлефоне:
+375 17 343-99-17
+375 (44) 770 09 01
samaranin16@gmail.com