Пальмовая нядзеля ў Хрысціянскім Сацыяльным Цэнтры

У​ Пальмовую нядзелю ў​ капліцы Хрысціянскага Сацыяльнага Цэнтра сабралася​ вялікая колькасць вернікаў, каб увайсці​ ў перажыванне Вялікага тыдня. Падчас Святой Імшы адбылося​ асвячэнне вербаў.

Пальмовая нядзеля распачынае ў Каталіцкім Касцёле Вялікі тыдзень. У гэты дзень у літургіі ўзгадваецца ўрачысты ўваход Езуса Хрыста ў Ірусалім за пяць дзён да Яго ўкрыжавання. Людзі з натоўпу, якія віталі Хрыста, слалі на дарозе аліўныя і пальмавыя галінкі, усклікаючы пры гэтым: “Гасанна! Благаслаўлёны той, хто прыходзіць у Імя Пана”.​ Пачатак святкавання Пальмовай нядзелі бярэ ў VІ стагоддзі.​ У Беларусі звычай асвячэння галінак дрэў з’явіўся ў XI стагоддзі.​ У сувязі з тым, што ў Беларусі пальмы не растуць, вернікі прыносяць на працэсію ўпрыгожаныя​ галінкі вярбы. Менавіта па гэтай прычыне сама нядзеля атрымала назву “Вербная нядзеля” ці “Вербніца”.

У Вялікім тыдні кожны дзень выключны і непаўторны, таму кожны яго дзень таксама мае назву “Вялікі”.

Расклад набажэнстваў на ​Вялікі тыдзень у​ Хрысціянскім Сацыяльным Цэнтры.

Фота глядзіце ў альбоме “Пальмовая нядзеля (2.04.2023)”.