У летніку стваралі пірог для Фіндуса!

У нашым летніку “Вакацыі з Богам”​ ​ дзеткі паглядзелі спектакль па кнізе “Блінны торт”. Як жа весела было бавіць час разам з любімымі героямі кнігі​ шведскага​ дзіцячага пісьменніка​ Свэна Нурдквіста! Гэта быў незвычайны спектакль, бо дзеткі​ сталі яго ўдзельнікамі.​ Яны​ дапамагалі героям і нават упрыгожвалі пірог для Фіндуса! Панавала​ атмасфера​ цікаўнасці​ і​ няўрымслівасці.​ Юным тэатралам можна​ было​ гучна смяяцца​ і танцаваць​ пад​ музыку.

“Блінны торт” – гэта першая кніга з серыі пра Фіндуса і Пэтсана, створаная ў 1984 г.​ Гісторыя захапляльная,​ проста не адарвацца:​ Кату Фіндусу падабаецца святкаваць Дзень народзінаў, і таму ён святкуе яго тры разы на год. Звычайна ў гэты дзень Пэтсан пячэ блінны торт. Для гэтага патрэбныя яйкі, мука і малако. Мукі дома няма, таму Пэтсану трэба з’ездзіць на ровары ў краму ды набыць яе. Але спачатку​ – адрамантаваць ровар інструментамі, якія ляжаць у майстэрні, ключ ад якой апынуўся ў калодзежы. Каб дастаць ключ, трэба ўзяць драбіны, прытуліўшыся да якіх спіць страшны ды злосны бык…

Інтэрактыўная пастаноўка​ з гульнямі, спевамі і рухамі​ падарыла дзеткам шмат радасці і весялосці!