Урачыстасць Найсвяцейшага Сэрца Езуса
16 чэрвеня ў Дабрачыннай Місіі Добрага Самараніна адзначылі Урачыстасць Найсвяцейшага Сэрца Езуса. Гэта свята асаблівае, таму што ордэн уршулянак, якія заснавалі Місію, мае назву Кангрэгацыя Сясцёр Уршулянак Сэрца Езуса Канаючага. Сэрца Хрыста з’яўляецца сімвалам любові Бога да людзей, такім чынам, гэтае свята адлюстроўвае падзяку Богу за Яго любоў і дараванае збаўленне.
Святую Імшу ўзначалілі арцыбіскуп Тадэвуш Кандрусевіч і ксёндз Аляксандр Шамрыцкі. Пасля прыняцця святой Камуніі чыталася малітва, у якой выказваецца просьба, каб Сэрца Езуса, у якім свет адкрывае сапраўдную прыроду Бога, навучыла нас бачыць Хрыста ва ўсіх людзях.
Дзеткі рыхтаваліся да ўрачыстасці і зрабілі Езусу падарунак – упрыгожаныя добрымі ўчынкамі і думкамі сэрцы!
