Урачыстасць Унебаўзяцця Найсвяцейшай Панны Марыі

У​ капліцы Хрысціянскага Сацыяльнага Цэнтра адбылася​ Святая Імша ва ўрачыстасць Унебаўзяцця Найсвяцейшай Панны Марыі.​ Унебаўзяцце з’яўляецца адной з галоўных урачыстасцяў на працягу літургічнага года і адзначаецца ў большасці краін​ 15 жніўня. У гэты дзень у касцёлах асвячаюць плёны новага ўраджаю​ – дажынкавыя​ снапы,​ садавіну,​ гародніну, а таксама​ зёлкі​ і​ кветкі.​

Дагмат Унебаўзяцця, абвешчаны ў 1950 г., быў часткаю праграмы Папы Пія ХІІ, які ўсім сэрцам клапаціўся пра распаўсюджванне марыйнай пабожнасці.​ Папа верыў, што абвяшчэнне новага марыйнага догмату стане вялікім імпульсам да развіцця культу Маці Божай, і гэта накіруе свет на добры шлях.