Велікодны Баранак – сімвал уваскрослага Хрыста

На нашым велікодным стале шмат розных страў і элементаў, пра якія мы ведаем не шмат, але якія маюць багатую сімволіку. Што ў​ пасхальным кошыку мае прывілеяванае месца: яйкі, хлеб, соль, вяндліны або сыр? Велікодны​ Баранак!

​Ахвярны баранак з’яўляецца прадказаннем ахвяры Езуса Хрыста, які, праліўшы сваю кроў на крыжы, вызваліў кожнага чалавека з няволі граху і захаваў ад вечнай смерці.​ Габрэі на Пасху ахвяроўвалі баранка, які ўзгадваў пра лёсавызначальную падзею ў іх гісторыі: калі яны знаходзіліся ў няволі ў Егіпце, Бог пачуў іх просьбы аб вызваленні і не даў ім загінуць. Бог загадаў ізраільцянам акрапіць свае дзверы крывёю ахвярнага баранка. Жыхары пазначаных дамоў ацалелі, у неакропленыя ж завітала Божая знішчальная моц, якая напужала фараона і змусіла дараваць габрэям свабоду.

Місія Добрага Самараніна рыхтуе салодкіх святочных Велікодных Баранкаў, якія можна набыць за ахвяраванні.

Адрас:​​ Хрысціянскі Сацыяльны Цэнтр, вул. Серафімовіча, 19, г. Мінск