Завяршыўся летнік пад дэвізам “Бог дае нам таленты для служэння бліжняму”
З 14 па 25 жніўня ў Місіі Добрага Самараніна адбываўся чацьвёрты тур летніка “Вакацыі з Богам”. Летнік прайшоў пад дэвізам “Бог дае нам таленты для служэння бліжняму”. На працягу двух тыдняў дзеці разважалі над словам “пакліканне”, вывучалі сябе, свае здольнасці, таленты і тое, як яны могуць паслужыць бліжнім.
Варта азначыць, што ўсе, нават самыя маленькія ўдзельнікі, прымалі актыўны ўдзел у жыцці летніка:
- маліліся разам і ўдзельнічалі ва ўрачыстасці Унебаўзяцця Найсвяцейшай Панны Марыі;
- загартоўвалі і ўмацоўвалі цела ранішняй зарадкай і актыўнымі гульнямі на свежым паветры;
- развівалі эмацыйны інтэлект і камунікатыўныя здольнасці праз гульні і заданні;
- шукалі адказы на пытанні “Што такое пакліканне? Навошта чалавеку пакліканне? Як знайсці сваё?”;
- вывучалі англійскую мову;
- ажыццявілі пілігрымку ў горад Глыбокае;
- чыталі, спявалі, малявалі і радаваліся разам;
- прымалі гасцей і паўдзельнічалі ў тэатральнай пастаноўцы “Мама Му чытае”.
Чацьвёрты тур летніка быў насычаны на падзеі і добрыя эмоцыі, завяршыўся невялікай імпрэзай з удзелам бацькоў.
Кожны тур летніка “Вакацыі з Богам”-2023 у Місіі Добрага Самараніна меў цікавую і ўнікальную праграму.
Чытайце, як насычана, цікава і плённа адбыліся:
- першы тур летніка пад назвай “Пілігрым – чалавек творчы”,
- другі тур “Падарожжа па старонках Бібліі”,
- трэці тур летніка “Здабываем скарб любові”.
Да сустрэчы ў Місіі Добрага Самараніна!
Падрабязнасці па тэлефонах: +375 (17) 343-99-17 / +375 (44) 770 09 01
E-mail: samaranin16@gmail.com
Будзем удзячныя за ахвяраванні, якія можна пералічыць на рахунак:
Банкаўскія рэквізіты:
УНП 102366022, АКПА 380087195000
р/р BY63UNBS30151611900000001933
ЗАТ “БСБ Банк”; БІК UNBSBY2X
Альбо падтрымаць наз праз сістэму Web-pay.