«Знайдзі сваё месца ў Касцёле». Трохдзённая сустрэча для юнакоў адбудзецца ў Мінску

Ксяндзы з законніцкай супольнасці хрыстусоўцаў запрашаюць юнакоў, якія ўжо скончылі школу, на трохдзённую біблійную сустрэчу «Знайдзі сваё месца ў Касцёле». Сустрэча пройдзе з 24 па 26 лютага ў Мінску, звяртае ўвагу Сatholic.by.

«У святле Божага слова хочам знайсці сваю дарогу да шчасця, гледзячы на прыклад апосталаў. На чарговай сустрэчы будзем прыглядацца да гісторыі паклікання і жыцця святога Пятра»,— адзначаюць арганізатары.

Сустрэча адбудзецца ў памяшканні Хрысціянскага сацыяльнага цэнтра ў Мінску па адрасе: вул. Серафімовіча, 19.

• Ахвяраванне за ўдзел – 20 руб.
• З сабою трэба мець Біблію, спальнік, нататнік.
• Запіс да 21 лютага па тэл.: +375 (33) 605 41 67 – ксёндз Андрэй Лысы SChr.