Дзеці наведалі майстэрню мастачкі Аксаны Аракчэевай
На вакацыях дзеткі Місіі наведалі майстэрню дынастыі мастакоў, дзе палову стагоддзя ствараў заслужаны дзеяч мастацтваў Беларусі Барыс Аракчэеў, а цяпер піша творы ягоная дачка Аксана Аракчэева. Майстэрня – гэта сапраўдны музей, дзе жыве мастацтва, захоўваюцца і далей ствараюцца карціны. Аксана Аракчэева правяла экскурсію па майстэрні, расказала яе гісторыю і паказала свае працы і творы бацькі.
Майстэрня мастака – гэта асаблівая прастора з высокімі столямі, каб была магчымасць пісаць і захоўваць вялікафарматныя творы. Экскурсія ў майстэрні – гэта незабыўныя ўражанні і рэдкая магчымасць убачыць на свае вочы, ў якой прасторы ствараюцца карціны. Гэты новы досвед дзеткі змогуць увасобіць ва ўласных кампазіцыях.
Юныя мастацтвазнаўцы азначылі асаблівую, душэўную атмасферу і цёплы прыём. Пасля наведання майстэрні яны яшчэ доўга дзяляліся ўражаннямі і паказвалі фотаздымкі адно аднаму.
Усе фоты ў нашым альбоме